Sta mane u sole scalda
Di raghji tinti di novu
Musca torna a vitalba
U so profume ritrovu
Vanu l’ore sittimbrine
Passi d’ un’ingermatura
In un sognu senza fine
Di smisurata chjarura
O chì u mio versu
Girghi l’universu
Lestru cum’un fiume
Mossu d’acque è sciume
À dì cù u ventu
Soffiu mai spentu
Chì oghje a vita
Hè torna sbuccita
Anu i frutti avà
Un sapiculu nuvellu
Vistuti sò d’incantà
A tarra è po u celu
Cantanu à voce liate
U Muntese è u Marinu
E canzone invintate
Da un puetu divinu
O chì u mio versu
Girghi l’universu
Lestru cum’un fiume
Mossu d’acque è sciume
À dì cù u ventu
Soffiu mai spentu
Chì oghje a vita
Hè torna sbuccita
Aucun commentaire:
Enregistrer un commentaire