Nasce l'albore in un incendiu, in e sarre piccia u ghjornu
À passi strani un pastore, da a mandria si ne volta
Un trattulellu fischjuleghja, a neve fraia u cuntornu
Ne sarà tempu d'impiaghjera, tempu di ghjente più accolta ?
Trattulellu s'hè fattu ventu, sempre à buffulata sabbia
Accarezza robba è pastore, da fà li sente ogni vita
Move una musichella in mè, quellu silenziu di I Stabbia
È sorgenu rime à divizia...è po u distinu ci strita !
Ventu ne vene una timpesta, si para nanzu u silenziu
U pastore ùn ci vole cede à 'ss'oddiu mossu à svintulera
Ma più'n hè tempu d'impiaghjera, hè ora d'ultimu licenziu
À una leccia un fucile, appingatu, vindetta spera...
Aucun commentaire:
Enregistrer un commentaire