Stuzzicà mi u tupezzu
È sfrisge mi in u spinu
Cum’un fiume chì carezza
Da e sarre à a marina
E muntagne cù dulcezza
Sentu a calurosa tarra
Scatinà e so passione
In favulose fiumare
È l’estru di e stagione
Scumudà l’unducce pare
Di u prufondu marone
Sentu u celu ghjastimà
Lampendu l’acqua sacrata
È ‘ssi toni à discità
Ogni fola sminticata
Piatta per l’eternità
In l’ochji di l’attrachjata
Sentu l’eternu alburone
Scaglià si sott’à l’accampu
Di u ventu girandulone
È ‘sse parolle c’o lampu
In fondu à u vangone
È chì mai omu ùn stampa
Cusì dice l’omu scioltu
Chì campa ogni mumentu
Fighjendu l’immensa accolta
Di l’alba è di l’elementi
Dà vita à a rivolta
È po discità a mente…
Aucun commentaire:
Enregistrer un commentaire