L’oceanu turchinu
Un battellu andarinu
Stipatu à l’onda scema
Marinu in e so vele
Si ne và solu à vede
L’orisonte chì trema
Mi porta a to voce
A carezza ligera
D’una tennera spera
D’esse à l’infinita
Di cunnosce ‘ss’albore
Quandi u bughju more
È chì sbuccia a vita
Vogliu arrubbà e stelle
Per fà ne ti un cullare
Vogliu spegne e fiare
U focu di l’infernu
È d’un soffiu di neve
Addurmintà a pieve
Per dà ti la à l’eternu
Pò d’un frisgiu di sognu
Una lacrima, un cantu
‘Ssu viaghju tamantu
sarà u nostru avvene
À mezu à tanti fiori
À nant’à strade d’oru
Caminaremu inseme…
Aucun commentaire:
Enregistrer un commentaire