S’è a voce hè sincera s’ellu hè lindu u versu
Cù a musica andaremu à scopre l’universu
Nant’un mare di note da fà ci navicà
È buscà e custere di un novu sunà
Mischiendu e magie di l’acqua è di u focu
Faremu batte quì u core di ‘ssu locu
S’è l’anime sò pure è e mente aparte
Cù a musica andaremu à l’alba di u sparte
À l’alba di u sparte sonanu e ghitare
À l’alba di u sparte l’ore venenu chjare
Andaremu appesi à e muse diverse
À circà u dumane di e meludie perse
Fendu nasce dinù armunie nuvelle
E faremu cantà cum’è voce surelle
Andaremu affullati à l’estri di l’ingegni
È faremu canzone di tutti i so impegni
È ‘sse stonde à vene, ‘ssi canti à sunnià
I scrivaremu inseme cù e rime d’avà
À l’alba di u sparte sonanu e ghitare
À l’alba di u sparte l’ore venenu chjare…
Aucun commentaire:
Enregistrer un commentaire