Luce o bughjicone
Dì l’umbrie o puru e sulane
Friscure o caldane
Fà canzone d’ogni stundarella
Tinta d’oru o ancu mischinella
Scrive l’ore passate o à vene
À rime serene
Piaghje, monti è fureste prufonde
Stelle è luna bionde
Celu, mare è immensi rinaghji
Sole di mille raghji
Fà canzone d’ogni paisaghju
Culuritu à dicembre o à maghju
Scrive l’ore bianche o verdicante
Di rime tamante
Scrive, cantà, dì
In puesia cusì...
Rise, surisi è carezze sincere
Alma è mente ligere
Zerga, brioni è core à timpurale
Missoghju fatale
Fà canzone d’ogni gestu umanu
Un cuntrastu, una strinta di manu
Scrive l’ore di pace o rivolta
D’una rima sciolta
Scrive, cantà, dì
In puesia cusì...
Aucun commentaire:
Enregistrer un commentaire